Джон Хопкинс университетінің зерттеушілері қатерлі ісікке тән генетикалық мутацияларды қан анализі арқылы диагноз қойылғанға дейін үш жыл бұрын анықтауға болатынын анықтады, деп жариялады Cancer Discovery журналында.
«Біз рак тудыратын мутацияларды бірнеше жыл бұрын, клиникалық белгілер байқалмай тұрып анықтай алғанымызға таңғалдық. Үш жыл ерте анықтау – ауруға ерте араласуға мүмкіндік береді. Бұл кезде ісік әлі дамып үлгермегендіктен, емделу мүмкіндігі әлдеқайда жоғары болады», – дейді зерттеу авторы, доктор Юйсюань Ван.
Зерттеу барысында ғалымдар ARIC (Қоғамдардағы атеросклероз қаупін бағалау) атты жүрек-қан тамырлары ауруларының қауіп факторларын зерттейтін кең ауқымды бағдарламаның аясында жиналған қан плазмасы үлгілерін талдаған. Зерттеу тобы рак диагнозы қойылған 26 адамның және диагноз қойылмаған 26 адамның қандарын салыстырды. Жаңа жоғары дәлдіктегі генетикалық секвенция әдістері қолданылған.
52 қатысушының сегізінде мультирактарды ерте анықтауға арналған (MCED) тест оң нәтиже берген. Бұл сегіз науқастың бәріне 4 ай ішінде қатерлі ісік диагнозы қойылған. Олардың алтауынан бұрын (шамамен 3–3,5 жыл бұрын) алынған қосымша қан үлгілері де зерттелді және төртеуінде сол кездегі қаннан да ісікке тән мутациялар табылған.
«Бұл зерттеу MCED-тесттердің ракты өте ерте анықтаудағы мүмкіндігін көрсетеді және мұндай тесттерге қажетті сезімталдық деңгейін белгілейді», – дейді профессор Берт Фогельштей.
«Қатерлі ісікті бірнеше жыл бұрын анықтау – науқастардың өмірін сақтап қалудың жаңа мүмкіндігі. Әрине, мұндай тест оң нәтиже берсе, дұрыс әрі уақтылы клиникалық бақылау ұйымдастыру қажет», – дейді профессор Николас Пападопулос.