Мичиган университетінің ғалымдары интернет жылдамдығын жаңа деңгейге көтеретін инновациялық құрылғы жасап шығарды. Зерттеушілер оптикалық талшық арқылы берілетін деректерді электр сигналдарына айналдырудың тиімді әдісін ойлап тапты. Бұл процесс интернеттің жұмыс жылдамдығын айтарлықтай арттыруға мүмкіндік береді деп отыр. Олардың еңбегі Nature Communications ғылыми журналында жарияланды.
Қазіргі таңда деректердің көп бөлігі оптикалық талшықтар арқылы беріледі. Бұл инфрақұрылым жоғары өткізу қабілетін қамтамасыз етсе де, оның шектеулері бар. Деректерді өңдеу және тасымалдау кезінде оптикалық сигналдарды электр сигналдарына айналдыру қажеттілігі туындайды. Ол процесс жылдамдықты бәсеңдетіп, энергия шығынын арттырады. Осы мәселені шешу үшін Мичиган университетінің зерттеушілері оптикалық коммутаторды ойлап тапты, ол бұл мәселені түбегейлі өзгертуі мүмкін. Бұл Оптикалық коммутатордың жұмыс принципі. Жаңа құрылғының негізі – оптикалық сигналдарды жылдам әрі тиімді түрде электрлік сигналдарға айналдыру қабілеті. Қазіргі уақытта интернет желілері оптикалық талшықтар арқылы үлкен көлемдегі ақпаратты жоғары жылдамдықта жібереді. Бірақ бұл сигналдарды қабылдағанда және өңдегенде, деректерді электрлік түрге ауыстыру үшін арнайы құрылғылар қолданылып, ол белгілі бір кідіріс пен энергияны көп тұтынуды талап етеді. Мичиган университетінің командасы жасап шығарған оптикалық коммутатор дәстүрлі әдістерден айтарлықтай жылдам, әрі аз энергия жұмсайды. Оның жұмысы жарық пен электрлік сигналдарды үйлестіре отырып, деректерді аса жоғары жылдамдықпен өңдеуге мүмкіндік береді. Осылайша, бұл коммутатор деректерді өңдеу процесін тездетіп, интернет желісінің жалпы өткізу қабілетін арттырады. Бұл құрылғының ең басты артықшылығы – интернет жылдамдығының бірнеше есе артуы. Дәстүрлі оптикалық-коммуникациялық жүйелерде сигналдарды түрлендіру кезінде уақыт жоғалады. Ал жаңа технология сол кідірісті едәуір қысқартады. Нәтижесінде, мәліметтерді жіберу мен қабылдау уақытын азайтып, интернет жылдамдығы мен сапасын арттырады.Бұл технология әсіресе жоғары көлемдегі мәліметтерді жылдам тасымалдауды қажет ететін салаларда, мысалы, онлайн ойындар, бейнеконференциялар, және үлкен мәліметтерді өңдеу орталықтарында қолдануға өте тиімді. Интернеттің кең таралуымен және деректердің көлемі ұлғайған сайын, желілік инфрақұрылымды жақсарту қажеттілігі арта түсті. Мичиган университетінің бұл жаңалығы интернет жылдамдығын арттырып қана қоймай, деректердің сенімді және тұрақты берілуін қамтамасыз етпек.